Magiske bilete frå Trolltunga

Trolltunga er eit av dei mest populære turmåla her i landet. Sjølv om det i eit vanleg år er mange som vil sjå Noregs mest spektakulære fjellformasjon, er turen så lang at det er rikeleg med plass til alle. 

Naturlegvis ønskjer alle eit bilete av den magiske augneblinken – når ein sjølv står på Trolltunga, det vesle steinplatået som stikk ut frå berget 700 meter over vatnet nedanfor. Vanlegvis er 90 prosent av turgåarane om sommaren utanlandske turistar.

Kan hende det er ein kort fotokø. Medan du ventar, foreslår vi at du et nistematen og slår av ein prat med andre turgåarar. Du får kanskje høyre interessante historier, får vite om andre flotte attraksjonar, og kan hende får du òg nye vener.

Vis omsyn når det er din tur! Nøy deg med nokre få poseringar. Om du går turen åleine, vil sikkert nokon i nærleiken gjerne ta bilete av deg – berre spør.

Har du høgdeskrekk og vil sleppe å klatre ned på Trolltunga, har vi ei enkel løysing: La nokon ta bilete av deg med Trolltunga i bakgrunnen. Den perfekte augneblinken er når nokon nett har klatra opp, og Trolltunga er tom. (Nokre av bileta viste her er tatt slik.)

Ver varsam! Hald deg alltid eit godt stykke unna kanten.

Bruker du drone, må du fylgje regelverket – og aldri utsetje nokon for fare.

Ta omsyn til andre turgåarar. For deira tryggleik ber vi deg om ikkje å fly drone når fleire folk er til stades på sjølve Trolltunga.

Alle dronepilotar bør registrera seg på AVINORS nettside.